Unha axencia de viaxes crea en Sarria un bosque plantado pola clientela
Unha axencia de viaxes crea en Sarria un bosque plantado pola clientela
Cada persoa que contrata unha peregrinación planta unha árbore para axudar a borrar a súa pegada de carbono
"O bosque dos peregrinos" é un proxecto co que unha axencia de viaxes tenta compensar, dalgún xeito, o impacto ecolóxico que teñen as peregrinacións.
Están creando unha fraga en Sarria na que cada peregrino que fai o Camiño con eles planta unha árbore autóctona.
Este domingo, un grupo formado por seis peregrinas norteamericanas pasan por Barbadelo, unha zona coñecida pola frondosidade dos seus soutos e chousas.
Veñen canda dous acompañantes da empresa que tivo a iniciativa. Segundo explica Lorenzo Merín, de The Way Tours, trátase de axudar a borrar a pegada de carbono que deixa a clientela.
Xeolocalización
Despois de plantar carballos, o grupo recibe un diploma coa xeolocalización de cada árbore, para que poidan interesarse polo seu crecemento.
Tanto Wanda coma Margarita fan o Camiño por terceira vez e teñen intención de repetir. Encantaríalles que chegase o día no que puidesen gozar de peregrinar pasando pola sombra dos carballos que plantaron.
