Un novo incendio nun garaxe de Vigo obriga desaloxar os veciños
O mesmo garaxe ardera hai tan só dous días
Un coche quedou calcinado por completo, mentres que outro resultou parcialmente afectado
Un novo incendio no garaxe dun edificio do barrio de Teis, en Vigo, que xa ardera o venres mobilizou os Bombeiros de Vigo durante a tarde deste domingo. O veciños do edificio tiveron que ser evacuados e a rúa Sanjurjo Badía cortada.
O 112 Galicia recibiu información sobre o suceso a través dun particular ao redor das 16:50 horas. Este avisou de que había un coche ardendo na primeira planta do garaxe que provocara unha gran columna de fume negro na súa contorna.
Unha vez rematada a intervención, os efectivos do parque municipal confirmaron que ardeu un coche por completo, mentres que outro quedou parcialmente afectado.
A Policía nacional investiga a orixe do lume. Todo apunta a que podería ser intencionado.
