Cupeiro enche de música e vida a catedral de Mondoñedo

A catedral de Mondoñedo acolleu esta tarde O Latexo das Catedrais, título dos dous concertos que o músico Abraham Cupeiro celebrou nun dos días máis importantes dentro das feiras e festas das San Lucas.

Con todas as entradas vendidas ao pouco de poñerse á venda, o músico conseguiu encher de sons ancestrais un espazo maxestoso no que presentou pezas novas compostas para esta ocasión, parte delas inspiradas no escritor mindoniense Álvaro Cunqueiro.