Un mural de Fene, o mellor do mundo

A obra premiada como mellor mural do mundo é da primeira edición do Perla Mural Fest de Fene. Está situada nun edificio da rúa A Fraga. Competía con outros 50 murais de todo o mundo no concurso organizado pola plataforma Street Art Cities.

Hugo Lomas, Sfhir, pintouna en agosto do ano pasado. A intención do artista foi homenaxear a desaparecida sala Perla. Ao primeiro, era só un cine, pero tamén foi sala de baile e cafetería. Foi o centro cultural e de lecer de varias xeracións.