Un interno agrede un funcionario no cárcere da Lama e provócalle graves lesións nunha man

Un prisioneiro do cárcere da Lama agrediu esté sábado a un funcionario de prisións cando lle ían colocar unhas esposas, despois dun longo proceso de negociación co interno, que estaba moi alterado porque non tiña tabaco, segundo informa o sinticato de prisións "Tu Abandono Me Puede Matar" (TAMPM)

Segundo relata o comunicado do sindicato de prisións "Tu Abandono Me Puede Matar", o interno estaba moi alterado xa antes da agresión porque non tiña tabaco e esixía fumar. Ao serlle denegada a súa petición, "autolesionouse nos brazos" e comezou a "esparexer o sangue polas paredes". O recluso foi trasladado ao servicio de enfermería, e unha vez realizadas as curas foi "conducido novamente ao módulo de illamento".

Julio Díaz, representante do sindicato TAMPM, relatoulle ao g24.gal que horas máis tarde, durante o reparto da cea, o recluso se volveu mostrar agresivo, reclamou tabaco, destrozou o mobiliario da cela e rompeu os cristales da fiestra. Despois "ameazou con anacos de cristal" aos funcionarios para forzalos a entrar na súa cela "que enchera con auga e xabón para dificultar calquera intervención".

Foi entón cando o xefe de servizo lles indicou aos funcionarios que se equiparan "con equipos de protección para garantir a súa seguridade" e que despois dun largo proceso de negociación para que o interno se deixara poñer unha esposas.

Foi nese momento no que lle intentaban poñer as esposas a través dos barrotes da porta cando o recluso tirou bruscamente dunha das esposas cara o inerior da cela e atrapou a man do funcionario entre os barrotes e o grillón causándolle unha lesión grave nun dedo. O resto dos funcionarios lograron liberar axiña ao compañeiro. Aínda así foi preciso o seu traslado a un centro hospitalario, onde tivo que ser intervido cirurxicamente.

Interior do cárcere da Lama. Imaxe de arquivo

Reivindicacións e denuncias do sindicato de prisións TAMPM

Desde o sindicato TAMPM manifestan o apoio ao traballador ferido e a todo o cadro de persoal e lamentan que este tipo de situacións se estean convertendo nun feito demasiado habitual nos centros penais españois.

"Os funcionarios de prisións seguimos desempeñando un labor de enorme responsabilidade e risco sen o recoñecemento que merecemos", di o comunicado de prensa de TAMPM.

"Desde TAMPM denunciamos, unha vez máis, que non somos considerados axentes da autoridade, nin se nos recoñece como profesión de risco, a pesar de que os feitos demostran o contrario de forma evidente.
Esiximos ao Ministerio do Interior e a Institucións Penais que adopten medidas urxentes e efectivas para garantir a seguridade dos traballadores penais e dotarlles do recoñecemento legal e profesional que corresponde á realidade do seu traballo", conclúe este sindicato de prisións.

Patio do cárcera da Lama. Imaxe de Arquivo