Cargando resultados...
Unha muller morre atropelada en Noia cando ía subir a un coche á beira da estrada
O accidente ocorreu na DP-1105 ao seu paso pola parroquia de Argalo, no lugar de Sobreviñas
Axentes e persoal de emerxencias no lugar do accidente
G24.gal
02/11/2025 19:26
Última actualización 02/11/2025 21:01
Unha muller de case 80 anos faleceu na tarde deste domingo no concello de Noia cando ía subir ao coche do seu home no lugar de Sobreviñas. Malia a rápida intervención dos servizos sanitarios, nada se puido facer por salvarlle a vida.
Veciña da localidade, morreu sobre as 18:00 horas no quilómetro 1 da estrada DP-1105, na parroquia de Argalo, xusto cando se dispoñía a abandonar a zona onde ten propiedades.
O condutor do vehículo que atropelou a muller é un veciño de Lousame. No operativo participaron o 061, os Bombeiros de Boiro, o GES de Noia, a Garda Civil, a Policía Local e Protección Civil.
