Un tren causa 8 incendios na provincia de Ourense e cortan a circulación de ancho convencional entre a cidade e Santiago
Un tren causa 8 incendios na provincia de Ourense e cortan a circulación de ancho convencional entre a cidade e Santiago
Os incendios, provocados polas faíscas do convoi, rexistráronse en Maside, Amoeiro, Punxín e Ourense
O corte non afecta á alta velocidade
A incidencia que causa a interrupción da circulación está no treito entre Ourense e O Irixo
Imaxe do incendio de Untes. Europa Press
As faíscas dun tren rexional con destino Ourense causaron ata oito incendios nos municipios de Maside, Ourense, Amoeiro e Punxín na tarde deste luns, segundo informaron fontes da Consellería do Medio Rural.
En concreto, conforme detallaron estas fontes, sobre as 14:00 horas rexistráronse catro focos en Maside; dous en Ourense, un no monte de Untes; un sétimo foco en Amoeiro e o oitavo en Punxín. Medio Rural indicou que o Untes que afecta a tres hectáreas e xa está estabilizado. O outro incendio no concello de Ourense é en Arrabaldo e continúa activo.
O de Punxín tamén segue activo, e no concello de Maside, dous dos catro están extinguidos, outro está controlado e queda un aínda activo no que xa arderon 4 hectáreas. E en Amoeiro conseguiron estabilizar as lapas.
Na súa extinción traballan múltiples medios, entres eles as Brigada de Reforzo en Incendios Forestais e helicópteros do Ministerio para a Transición Ecolóxica. Iso, segundo destaca a Delegación do Goberno, "de forma coordinada co dispositivo autonómico".
Aínda que a columna de fume do incendio de Untes se vía desde a cidade de Ourense, e estaba próximo a vivendas, non houbo perigo.
Europa Press
Por un incendio próximo a la infraestructura, está interrumpida la circulación entre Ourense y O Irixo. Esta incidencia afecta a los trenes de ancho convencional que circulan entre Ourense y Santiago de Compostela.
— INFOAdif (@InfoAdif) July 13, 2026
Esta incidencia no afecta a los trenes de alta velocidad que…
O Adif avisou, a través das redes, de que, debido á proximidade das lapas dun dos incendios á infraestrutura ferroviaria, está interrompida a circulación entre Ourense e O Irixo.
Os trens afectados son os de ancho convencional que circulan entre a cidade das Burgas e Santiago. Renfe estableceu un plan alternativo e está a transportar por estrada os pasaxeiros afectados. Aos de alta velocidade que conectan as dúas cidades non lles afecta o corte.
