Un incendio destrúe parcialmente unha planta de reciclaxe de Campo Real, en Madrid
13 dotacións de bombeiros participaron na extinción do lume
O incendio declarouse a primeiras horas da mañá nunha planta de reciclaxe que ocupa unha parcela de 5.000 metros cadrados no polígono industrial da localidade madrileña de Campo Real.
"A nave industrial dedicábase, sobre todo, á reciclase de electrodomésticos e de equipos eléctricos. Queimáronse na parte exterior uns mil metros cadrados e outros mil no interior da nave".
Ata 13 dotacións de bombeiros deprazáronse para combater as lapas e evitar que se propagasen ás naves lindeiras. A media mañá o incendio quedaba controlado e comezou a retirarse parte do dispositivo de emerxencias.
"Nestes momentos o traballo que queda por facer é máis de remate e de control final do propio incendio, polo que retiramos varios medios".
Unha vez extinguido, un retén de bombeiros permanecerá na zona para refrescar os restos. Polo momento descoñécense as causas do incendio.
