Só queda arrefriar os rescoldos do antigo hotel Ribanova de Ribadeo, que levaba anos pechado
As lapas propagáronse con facilidade, xa que o interior do inmoble era de madeira
Os equipos de extinción esforzáronse para que o lume non se propagase a edificios lindeiros
Hoxe só queda arrefriar os rescaldos para que non prendan de novo as lapas. Do edificio do que foi o antigo hotel Ribanova de Ribadeo só queda a fachada. A actuación dos equipos de extinción evitou que se propagase ás casas lindeiras. Manifesta o concelleiro de Obras de Ribadeo, Diego dos Santos que, "queriamos salvagardar o lateral porque o edificio do hotel xa o dábamos por perdido". Pola súa parte, o responsable da motobomba, Carlos Castro apunta que "estivemos toda a noite traballando".
O incendio iniciouse sobre as seis da tarde, cando comezou saír fume do edificio que leva anos sen uso. O interior é de madeira e extinguir o lume foi complicado. Mesmo houbo que desaloxar os inmobles próximos. Indica o capataz de obras de Ribadeo, Antonio Cuadrado, sobre o incendio que "dado que o edificio é de principios do século pasado e está no centro de Ribadeo, causou bastante estupor"
Estanse investigando as causas do incendio. Apuntan a que alguén puidese acceder ao edificio sen permiso e nun descoido prendeu lume na madeira.
