Un grupo de mulleres afectadas por endometriose fan o Camiño para visibilizar a doenza
Reclaman atención médica específica para tratar a enfermidade, que afecta unhas sesenta mil galegas
Brígida Hermida , enferma de endometriose, conta o seu caso.
O diagnóstico chegou despois de 20 anos de dor e sufrimento, por unha infección pola que tiven que ingresar, e a partir de aí diagnosticóuseme endometriose. Pero o normal é que cando acodes a urxencias, o máis normal é que che digan que a dor é normal, e hoxe sabemos que non o é.
A endometriose é unha enfermidade crónica, xeralmente progresiva e incapacitante. Na muller afectada o tecido endometrial ocupa órganos alleos ao sistema reprodutor. Cristina tamén está enferma.
Padecemos moita dor incluso incapacitante e non só os días que temos a regra, tamén cando estás ovulando e en todo o período. Problemas dixestivos, problemas ao ouriñar, ao defecar, nas relacións sexuais... esconde moitos problemas detrás.
A presidenta da asociación QuerENDO, Cristina Fernández, reclama atención.
Calcúlase que o dez por cento das mulleres en idade fértil temos endometriose. Iso en Galicia, somos 60 mil mulleres e aínda segue sendo a gran descoñecida.
Contan que fan o camiño para darlle visibilidade á enfermidade.
Queremos consultas específicas en todas as áreas sanitarias e necesitamos especialistas non só da área de xinecolóxía senón que estamos afectadas a nivel gástrico, intestinal, mesmo os riles e os pulmóns.
Dende a praza do Obradoiro reclaman máis difusión entre o persoal sanitario da guía de axuda á muller con endometriose e Sistema Nacional de Saúde.
