Un dos postes informativos presentados en Vigo xa está estragado

A principios de semana o Concello de Vigo presentou quince novas pantallas informativas interactivas ou MUPIS, en que investiu 700.000 euros.

Xa foran colocadas hai tempo, mesmo unha delas xa está completamente estragada.

A pantalla danada está nas inmediacións da estación ferroviaria de Guixar un lugar de moito tránsito e inzado de cámaras. O poste informativo xa leva danado máis dun mes. Moitos veciños din que non foi un acto vandálico, senón que o mobiliario urbano foi golpeado por un tráiler dos que adoitan circular atravesando o paso de cebra.

A falta de confirmacións hai quen fala de vandalismo e mesmo de intento de roubo. Os outros 14 postes informativos permanecen en pé. A Policía Nacional de Vigo confirmou á última hora da mañá que non hai denuncia por un hipotético acto vandálico nesta zona.