A Garda Civil auxilia un gato coa cabeza atrapada nunha botella de plástico en Portomarín

A Garda Civil do municipio lucense de Portomarín auxiliou un gato que tiña a cabeza atrapada no interior dunha botella de plástico.

Segundo informou o Instituto Armado nun comunicado, os feitos producíronse á primeira hora deste mércores cando os axentes, durante un servizo, observaron o animal intentando liberarse polos seus propios medios, presentado dificultades para respirar e evidentes signos de temor e desorientación.

Ante isto, os axentes procederon a inmobilizar o felino e retiraron a botella de forma segura.