Un cobrador de morosos denuncia unha suposta agresión ao intentar cobrar unha débeda en Silleda

Angel é un dos cobradores de morosos que acudiu co seu compañeiro a unha cita nun negocio en Silleda para mediar no cobro dunha débeda por unhas obras. Asegura que os encerraron e cando o compañeiro esixiu que abrisen a persiana, a conversa subiu de tono e o propietario agrediuno.

Asegura que o compañeiro está de baixa á causa das lesións e presentaron denuncia na Garda Civil. Os responsables do negocio declinaron facer declaracións, pero aseguran que foi o cobrador de morosos o que empurrou a muller primeiro e o marido saiu na súa defensa.

Respecto da débeda aseguran estar pasando un mal momento pero que sempre tiveron intención de chegar a un acordo para pagala.