Publicador de contidos

Publicador de contidos

Un cento de obras participan no certame artístico Artelixo de Redondela

Un cento de obras participan no certame artístico Artelixo de Redondela

Todas as pezas están elaboradas con materiais de refugallo

G24.gal 13/04/2022 14:18

Redondela celebra o Artelixo, un evento que, como indica o seu nome, descobre pezas artísticas elaboradas con materiais desbotados.

A conciencia ambiental é a motivación dun cento de creadores que participan no Artelixo, un certame creativo aberto á participación veciñal e da comunidade escolar de Redondela.

Convertido en material artístico e transformado nunha obra significativa, o lixo é unha mensaxe universal, unha chamada de atención accesible a todas as idades e a todo tipo de creadores.

A peza do pequeno Lois é unhas das que se exhiben nos escaparates da vila, porque este certame que naceu na rúa nos anos 90 cada vez involucra máis esferas da vida redondelá: o comercio, as escolas e as parroquias.  

De entre as obras concursantes, cada ano escóllese unha que quedará exposta de xeito permanente. A 'Troita en pé', do colectivo Koebra, é a indultada da edición anterior e xa inicia a senda peonil do río Maceiras. 

Ademais de actividades e música, o certame programa unha exposición do artista Daniel Barreiro que se pode visitar no Auditorio da Xunqueira de Redondela ata o vindeiro domingo.

Publicidade
Publicidade
Publicidade
Pódeche interesar