Un camioneiro foxe dun control, dá positivo en alcol e drogas e conducía sen carné
Un camioneiro foxe dun control, dá positivo en alcol e drogas e conducía sen carné
Saíu correndo do camión e agochouse nunhas matogueiras
Investígano como presunto autor dun delito contra a seguridade viaria
Aconteceu nun control de verificación de mercadorías e vehículos que a Garda Civil de Tráfico estableceu na estrada AC-400 ao seu paso polo concello coruñés de Tordoia. Alí, os axentes déronlle o alto a un camionerio, veciño de Carballo e de 28 anos de idade. Pero el, en vez de parar, decidiu coninuar a súa marcha.
400 metros máis adiante parou o camión e baixou para emprender a fuxida a pé polo medio do monte. Agochouse nunhas matogueiras pero, ao pouco, os axentes localizárono. Tras identificalo, comprobaron que non tiña ningún permiso de condución. Amais, deu positivo nas probas de alcol e drogas.
Agora investígano como suposto autor dun delito de seguridade viaria ao conducir un camión sen o permiso e dar positivo en alcol e drogas.
