A Garda Civil reforza os controis de alcol e drogas na final do mundial
Os axentes controlarán que se cumpran as normas de seguridade viaria durante o partido e a posible celebración
Sacar o corpo pola fiestra ou tocar a bucina sen motivo xustificado é sancionable
Todo apunta a que as estradas galegas quedarán prácticamente baleiras durante a celebración da final do mundial de fútbol, pero a Garda Civil de Tráfico estará máis pendente que nunca, con controis de alcol e drogas despregados por toda Galicia.
"O obxectivo é que a celebración non se convirta nun momento de disgusto. A ilusión compartida debe conxugarse coa responsabilidade", explica o capitán López Dopico, do Sector de Tráfico de Galicia.
Porque en acontecementos coma o deste domingo, os axentes teñen visto de todo: dende persoas sacando o corpo polas ventás dos coches, ata grupos de seareiros invadindo a calzada. Utilizar a bucina para animar tampouco está permitido.
"Os sinais dos vehículos están destinados específicamente para unha fin. Polo tanto, non podemos utilizar os elementos do vehículo para outra fin distinta que é garantir a seguridade viaria", advirte o capitán.
Así que a mensaxe é clara: que España xogue a final do mundial non é excusa para descoidar a seguridade viaria.
A vitoria é unha celebración dunha noite. As consecuencias dunha imprudencia poden durar toda a vida", lembra López Dopico.
