Un accidente na ponte de Rande causou importantes atascos na AP-9

Un accidente en cadea na ponte de Rande colapsou este xoves o tráfico na AP-9 en sentido Santiago.

Tres turismos víronse involucrados nun sinistro por alcance que tivo lugar contra as 15:30 nos carrís centrais da ponte, en dirección Pontevedra.

Ninguén resultou ferido, segundo o 112 Galicia, pero o tránsito viuse interrompido e o atasco foi crecendo tanto cara a Tui como cara a Vigo, con centos de vehículos parados no medio da autoestrada ou avanzando moi lentamente.

Ata o lugar desprazouse tanto a Garda Civil de Tráfico como Protección Civil de Moaña para tratar de poñer fin ao caos que se apoderou da autoestrada.