Trinta adegas participan no festival do viño da Ribeira Sacra

Os viños con denominación de orixe Ribeira Sacra levan toda a fin de semana de celebración. É a sétima edición do festival dedicado a estes caldos que se celebra en Monforte: unha cita para descubrir unha das terras vitivinícolas máis singulares de Europa.

No evento celebrado no Paseo do Malecón, que contou co pregón de José Luis Iravedra, houbo ademais unha variada proposta gastronómica, con quince postos.

O recinto recibiu a numerosos visitantes durante estes tres días, que non quixeron perder detalle da última feira da temporada nesta denominación de orixe Ribeira Sacra.