Tres persoas quedaron feridas ao colidiren frontalmente dous turismos en Cuntis
Os feridos foron evacuados en ambulancia a un centro hospitalario
O sinistro provocou importantes retencións de tráfico
O accidente ocorreu contra as sete da tarde deste luns no quilómetro 212 da N-640, en Piñeiro (Cuntis). Un particular alertou o 112 Galicia despois de que dous coches colidisen frontalmente e provocasen danos a varias persoas.
Ata o lugar do sinistro trasladáronse efectivos de Urxencias Sanitarias de Galicia-061, da Garda Civil de Tráfico, dos Bombeiros do Salnés, dos voluntarios de Protección Civil de Cuntis e dos operarios de mantemento da vía. Tamén colaboraron os membros de Emerxencias A Estrada.
Cando chegaron ao lugar, confirmaron que había tres persoas feridas, que foron evacuadas en ambulancia a un centro hospitalario.
O sinistro provocou importantes retencións de tráfico.
