Tres feridos, dous graves, tras bater un coche contra unha casa en Piñor
Os feridos graves son os pasaxeiros que ocupaban o asento do copiloto e o traseiro
En Carballeda de Valdeorras outro sinistro deixa 6 feridos
Garda Civil
Tres feridos é o balance que deixa o accidente de tráfico na Nacional-525 ao seu paso polo concello ourensán de Piñor. O coche sinistrado saíu da vía e acabou batendo contra unha vivenda.
Ata o lugar trasladáronse o Servizo do 061, os Bombeiros do Carballiño, a Policía Local e a Agrupación de Voluntarios de Protección Civil de Piñor. A dotación de bombeiros liberar a unha das vítimas que quedara atrapada no interior do vehículo.
En total houbo tres feridos. Os ocupantes do asento do copiloto e do traseiro están graves. O condutor cuxas mancaduras son de carácter leve, dou negativo nas probas de alcohol e drogas.
En Carballeda de Valdeorras outro sinistro deixa 6 feridos
En Carballeda de Valdeorras colidiron dúas furgonetas entre os quilómetros 12 e 13 da estrada OU-122. Desde o 112 Galicia informouse ao Servizo de Urxencias Sanitarias de Galicia-061, ao GES de Valdeorras e á Garda Civil de Tráfico.
Despois de que os servizos de emerxencias acudisen ata o punto, puideron confirmar un total de seis feridos, aínda que todos de carácter leve.
.png)
.png)
