Trasladan en helicóptero unha persoa á que rescataron do mar en Vilagarcía

Unha persoa tivo que ser trasladada en helicóptero despois de ser rescatada do mar na praia de Compostela, en Vilagarcía de Arousa.

Segundo a información do 112 Galicia, foi un particular o que deu a voz de alarma. Así, explicou que unha persoa estaba a flotar no mar e que trataban de reanimala sobre a area.

A central de emerxencias mobilizou o 061, que solicitaron o helicóptero medicalizado con base en Santiago. Ata o lugar tamén se desprazaron a Policía Nacional, Local e ao Servizo Municipal de Emerxencias de Vilagarcía.