Falece unha persoa na praia de San Xurxo en Ferrol
Os servizos de emerxencias trataron de salvarlle a vida, porén só puideron confirmar o seu falecemento
Imaxe de arquivo
Un bañista morreu afogado esta tarde na praia de San Xurxo, en Ferrol.
O 112 Galicia foi coñecedor do suceso a través dos socorristas da praia de San Xurxo, minutos antes das 18:00 horas.
Durante a súa comunicación explicaron que había unha persoa aboiando no mar, a uns 50 metros da praia.
Con esta información, desde o CIAE 112 Galicia solicitouse a intervención do Servizo de Urxencias Sanitarias de Galicia-061, da Policía Nacional e da Local, da Garda Civil e da Agrupación de Voluntarios de Protección Civil de Ferrol.
Logo de que a persoa fora rescatada da auga, os servizos se emerxencias trataron de salvarlle a vida, porén só puideron confirmar o seu falecemento.
