Evacuado en helicóptero un traballador que caeu desde unha árbore en Vilamartín de Valdeorras

Un traballador tivo que ser evacuado en helicóptero tras caer dende unha árbore cunha altura de 10 metros.

O 112 Galicia recibiu o aviso por mor deste accidente uns dez minutos antes das 12:00 horas. Segundo un particular, un traballador caera desde unha árbore cando a estaba a cortar, na Portela, en Vilamartín de Valdeorras.

Decontado, os xestores do 112 Galicia informaron o Servizo de Urxencias Sanitarias de Galicia-061, que mobilizaron ata o lugar o helicóptero con base en Ourense.

O ferido foi trasladado ata o hospital de referencia.

No operativo tamén participou a Garda Civil.