A colisión entre un autobús e un coche en Barcelona deixa 80 feridos, sete deles graves
O autocar acabou precipitándose por un noiro de vinte metros de altura
Descoñécese cantos pasaxeiros viaxaban no autobús malia contar con 65 prazas para persoas sentadas
80 persoas resultaron feridas nunha colisión entre un turismo e un autobús, que se caeu por un terraplén de vinte metros, na estrada BV-5114 ao seu paso por Fogars de Montclús (Barcelona).
O sinistro ocorreu cara ás 17.30 deste domingo. Os equipos mobilizados atenderon a 83 persoas, 18 delas en estado menos grave, sete graves evacuadas a distintos hospitais, e o resto leves, segundo o último balance do Sistema de Emerxencias Médicas (SEM).
O sinistro ocorreu cando, por causa que se están investigando, un vehículo dos autocares da compañía Sagalés chocou cun turismo na estrada BV-5114 e acabou precipitándose por un noiro de vinte metros de altura.
O accidente mobilizou a 15 ambulancias, dous helicópteros medicalizados e tres equipos conxuntos de servizos sanitarios e Bombeiros, que desprazaron unha vintena de efectivos e especialistas en rescates de montaña do grupo GRAE.
Os Mossos d'Esquadra cortaron a estrada en ambos os sentidos da circulación, para facilitar as tarefas de xestión do accidente.
Protección Civil activou en fase de alerta o plan de emerxencias por accidentes en transportes Procicat.
