Ferida unha muller tras envorcar o coche que conducía en Tomiño

Unha muller de 76 anos quedou ferida tras envorcar o coche que conducía en Tomiño. Por causas que se investigan, bateu contra un vehículo que estaba aparcado e acabou de lado, sobre dúas rodas. 

A condutora quedou atrapada no interior do coche e foi precisa a intervención dos bombeiros da Guarda e do Porriño para liberala.

O accidente foi no centro de Tomiño e a estrada estivo cortada unha hora mentres limpaban e retiraban os dous coches implicados no sinistro.