Publicador de contidos

Publicador de contidos

Tráfico reforza esta semana os controis de alcohol e drogas

Tráfico reforza esta semana os controis de alcohol e drogas

Coincidindo coas vacacións e as festas recordan que, ao volante, a única taxa segura é 0,0%

A metade dos falecidos nas estradas en 2021 inxeriran alcohol, drogas ou psicofármacos

G24.gal 09/08/2022 14:32 Última actualización 09/08/2022 14:45

Conducir baixo os efectos do alcohol e as drogas pode custarlles 1.000 euros, seis puntos, pena de cárcere, ou, moito peor, a súa propia vida ou a doutros.

"Na metade dos accidentes mortais a autopsia detecta consumo de alcohol ou drogas. Estas substancias están detrás de moitos sinistros, un de cada catro, por iso temos que erradicalo das estradas", explica o garda civil Héctor Teixeira.

Co fin de previr accidentes e disuadir os condutores de que bebesen nestes días de festas, tráfico reforza ata o domingo os controis. Poden atopalos de día e de noite e en todo tipo de estradas.

"A taxa 0,0% é a máis segura e a mellor de todas, se collemos o coche temos que mentalizarnos e non beber nada", engade o axente Teixeira.

Amais, tráfico invita a que os concellos de máis de 25.000 habitantes se unan á campaña instalando controis nos cascos urbanos para abranguer todo tipo de vías, tamén as que están máis cerca dos centros de consumo.

Publicidade
Publicidade
Publicidade
Publicidade