Traballar baixo altas temperaturas: un golpe de calor pode ocorrer en calquera momento

Cos termómetros rozando os 40 graos, o día a día dos traballadores que máis sofren a calor faise complicado. Son os que desempeñan tarefas por exemplo ao carón dun fogón ou ao aire libre.

Traballadores como os da construción que realizan o seu traballo, que implica esforzo físico, a pleno sol e con temperaturas que soben dos 35 graos. É un dos sectores onde hai máis risco de padecer o que se coñece como tensión térmica, que pode acabar nun golpe de calor.

Para que isto non aconteza é importante protexerse ben do sol, hidratarse continuamente e evitar os esforzos nas horas centrais do día, que son as máis calorosas.