Publicador de contidos
Publicador de contidos

Tempo cambiante en toda Galicia

Tempo cambiante en toda Galicia

A humidade e a chuvia lixeira terán certo protagonismo estes días

As temperaturas non van subir dos vinte graos

G24.gal 13/06/2024 14:33

Faltan sete días para que remate a primavera, unha estación da que este ano apenas puidemos gozar. E pola tarde regresarán as chuvias.

"É unha fronte cálida que está a deixar xa as primeiras precipitacións en zonas da Coruña e despois chegarán a Pontevedra e ao resto de Galicia. Na próxima madrugada será unha fronte fría a que varra a comunidade, precipitacións que irán a menos ao longo da xornada do venres. E as temperaturas baixas, moi baixas para a época do ano en que nos atopamos", explica Diego Viaño.

E durante a fin de semana vai perdurar a humidade no ambiente asociada aos ventos de compoñente oeste.

Humidade e chuvia lixeira terán certo protagonismo estes días en Galicia. Haberá que agardar ata mediados da próxima semana, co verán xa petando na porta, para que, segundo as previsións, o tempo comece a mellorar. Un tempo moi cambiante que afecta á saúde.

"Moitos catarros con complicacións, infeccións respiratorias e, nalgúns casos, algún ingreso de xente maior que se lle complica cunha pneumonía. E é que non é normal nesta época", asegura a farmacéutica Carmen Figueira.

Publicidade
Publicidade
Publicidade
Publicidade