Accidente mortal de tractor no Val do Dubra
Unha vez no lugar do accidente, os servizos de emerxencias só puideron confirmar o falecemento da persoa
Arquivo
Novo accidente mortal de tractor en Galicia. Unha persoa perdeu a vida no sinistro que se rexistrou contra as nove da noite deste luns en Portomedal, na parroquia de Coucieiro. Segundo a información que recolleu o 112 Galicia, nun primeiro momento, había unha persoa ferida tras envorcar o tractor.
🔴 #AXEGAInforma de que unha persoa perdeu a vida nun accidente de tractor en Val do Dubra. 📍 Portomedal, parroquia de Coucieiros. ➡️ Non houbo máis feridos. 🔗 https://t.co/9Qnvplrn44 https://t.co/3bZv9YGyI3
— 112 Galicia (@112Galicia) September 28, 2026
Con estes datos mobilizáronse o 061, a Garda Civil e a Agrupación de Voluntarios de protección Civil de Val do Dubra. Unha vez no lugar do accidente, os servizos de emerxencias só puideron confirmar o falecemento da persoa.
