Susto no Halo ao quedaren atrapadas nove persoas durante dez minutos
Susto no Halo ao quedaren atrapadas nove persoas durante dez minutos
O Halo comezou a funcionar hai quince días e permite salvar unha pendente de 50 metros e evitar un percorrido a pé de case dous quilómetros
![](https://img-g24-crtvg.flumotion.com/prog24/2024/20240216/COMEZAAFUNCIONAROHALODEVIGO_frame_106.png)
Nove persoas quedaron atrapadas este xoves nunha das dúas cabinas do futurista ascensor Halo, que parou á metade do percorrido, a uns 25 metros de altura.
O 112 Galicia confirmou a EFE que ás 18:15 horas recibiron aviso dun particular que comunicaba que quedaran encerrados no ascensor.
Segundo o seu testemuño, pulsaran o botón de emerxencias, pero sen obter resposta, e levaban dez minutos dentro, aínda que precisaba que ninguén necesitaba asistencia médica.
Na cabina estaban seis adultos e tres nenos e na rúa e o miradoiro que coroa os ascensores formáronse colas para subir ao outro elevador.
O 112 deu aviso aos bombeiros de Vigo, á Policía Local e a Protección Civil.
O Halo comezou a funcionar hai quince días e permite salvar unha pendente de 50 metros e evitar un percorrido a pé de case dous quilómetros entre García Barbón e Vialia Norte.