Unha avaría provoca importantes atrasos na circulación ferroviaria entre Ourense e Santiago
Os trens de Alta Velocidade, longa e media distancia estiveron detidos nas estacións
A avaría dun tren rexional que circulaba con destino a Ponferrada obrigou a interromper este l
luns a circulación de convois entre Santiago de Compostela e Ourense durante algo menos dunha hora.
Segundo informou Adif, a avaría produciuse entre a Bifurcación Coto da Torre e Ourense e tivo lugar minutos antes das 17,00 horas.
Pola súa parte, fontes de Renfe explicaron que se tratou dunha «incidencia puntual» nun tren que quedou detido, impedindo a circulación doutros pola vía.
A avaría xa foi solucionada e a circulación quedou restablecida sobre as 17,45 horas.
⚠️Se encuentra interrumpida la circulación en la línea Santiago de Compostela-Ourense por una avería en un tren entre Bifurcación Coto da Torre y Ourense.
— INFOAdif (@InfoAdif) August 31, 2026
🔴 Suspendida la circulación de la línea de Alta Velocidad entre Ourense y Santiago de Compostela debido a incidencia técnica de tren Regional Express
— InfoRenfe (@Inforenfe) August 31, 2026
🚅 Trenes de Alta Velocidad, Larga y Media Distancia, detenidos en estaciones.
🙏 Disculpen las molestias
O incidente provocou importantes atrasos durante a tarde e condicionou os desprazamentos de moitos viaxeiros.
