Os usuarios do tren Celta entre Vigo e Tui realizan a viaxe en autobús

Os usuarios do tren Celta entre Vigo e Tui viaxan en bus. Desde o 7 de abril non circulan trens pola liña do Miño por mor das obras de modernización do trazado. Non volverán facelo ata dentro duns oito meses.

Renfe ten activo un plan alternativo por estrada, en autobús, ata a estación lusa de Valença do Minho.  A compañía abonará 862.950 euros á empresa Autocares Iglesias encargada do servizo.