Sortean un ovo de Pascua xigante na Coruña

Ten dez quilos de chocolate e máis de metro e medio de lonxitude. Así é o ovo de Pascua que estes días na Coruña acapara todas as miradas. 

Di a dona do establecemento no que se atopa que "está taxado nuns 300 euros. Así que vendelo sería complicado. Tería que ser un padriño moi bo".

E por iso nada mellor que sortealo. A primeira vez que o fixo, hai oito anos e hoxe para moitos xa é toda unha tradición.

O monumental doce acabará nas mans daquel que merque unha participación de tres euros e resulte agraciado no sorteo que se vai celebrar o xoves.

Aínda quedan participacións dispoñibles para facerse con este ovo de Pascua xigante que estes días xa está na boca de todos, aínda que polo momento tan só en sentido figurado.