Sober acolle unha nova edición da Feira do Viño de Amandi

Viños que reflicten o traballo esmerado dos viticultores desta zona de Sober é o que se pode ver na Feira de Amandi, a decana das que exaltan os caldos da denominación de orixe Ribeira Sacra.

A cita é un escaparate para promover o viño da última colleita, pero recentemente abriuse a outras variedades.

Co paso dos anos, converteuse nun atractivo para achegarse a coñecer un viño relacionado coa viticultura heroica. Un total de 22 adegas participan nesta feira, que se celebra desde hai 44 anos.