O Celta recupera a solvencia en Balaídos (2-0)
Hugo Álvarez e Iago Aspas marcaron os goles do conxunto vigués
Fer López foi titular pero tivo que retirarse mancado antes do descanso
O Mallorca xogou con dez o último cuarto de hora por expulsión de Raíllo
Hugo Álvarez foi un dos protagonistas do partido logo de abrir o marcador cun gran gol, pero o canteirán restoulle mérito: "Chegoume o balón á área, e sabía que había que rematar a xogada, que é o que me piden. Por sorte, acabou en gol".
Pola súa banda, Vicente Guaita pensa xa no vindeiro partido en Sevilla: "Hai que pensar xa no Pizjuán, porque temos que sacar puntos xa fóra da casa. En Sevilla intentaremos darlle a volta á situación".
O porteiro valora o grupo creado este ano no equipo: "Hai unha mestura de novos e vellos, e os novos están medrando, e dándolle ilusión á xente porque son canteiráns, e iso é moi bonito".
Minuto a minuto
Chega a Balaídos un dos equipos máis sólidos desta primeira volta do campionato. O Mallorca é o sexto clasificado e gañou catro partidos como visitante. Pero recibiu entre semana unha goleada diante do Barcelona. O Celta quere ser o conxunto temible que adoita amosarse en Balaídos. Agardamos un gran partido!!!!
Aquí temos o equipo do Celta cunha bomba. A titularidade de Fer López despois das boas prestacións no partido de Copa en Salamanca no que marcou dous goles.
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪??𝒍𝒕𝒂... 𝒙𝒐𝒈𝒂𝒓𝒂́𝒏... 🩵#CeltaMallorca ⋄ #LALIGAEASPORTS pic.twitter.com/krfblIIziB
— RC Celta (@RCCelta) December 6, 2024
Asubía De Burgos Bengoetxea, partido en xogo!!!
Proba sorte Ilaix Moriba desde lonxe. Saiu preto do longueiro o primeiro intento do Celta
Remate de Larin que chapa en dous tempos Guaita
Partido xogado de poder a poder pero moi trabado. Ningún dos dous é capaz de xerar perigo na área contraria
Centro de Mingueza moi complicado de executar pero atrapa o porteiro mallorquín
1-0 GOOOOOOL DO CELTA. Marca Hugo Álvarez cun gran remate que entra por toda a escadra!!!!!
Cabezada de Raíllo á saída dun córner e boa parada de Guaita
Problema no xeonllo para Fer López. Sufriu unha escordadura moi forte e non pode continuar no partido. Agardemos que non sexa nada grave
Remata Larin, volve parar Guaita, decisivo nestes intres. Fer López non pode seguir e o Celta está a notar a inferioridade numérica no campo
Non agarda Claudio ao descanso e mete a Iago Aspas para os últimos minutos da primeira parte. Desgraza na estrea de Fer López
Lanzamento de falta de Aspas que se marcha á dereita da porta do Mallorca. Remata a primeira metade en Balaídos co gol de Hugo Álvarez e a lesión de Fer López
Comeza a segunda metade!!
O primeiro achegamento é para Larin, cunha cabezada que se vai arriba
Outra xenialidade de Hugo Álvarez cun gran caneo pero o remate marcha desviado
Clases de baile by Hugo Álvarez 🕺#CeltaMallorca ⋄ #LALIGAHighlights pic.twitter.com/17fwZIY8ur
— RC Celta (@RCCelta) December 6, 2024
Boa acción combinativa do Celta á que só lle falta o remate. O rexeite chega a Beltrán que remata alto
Marchan Borja Iglesias e Swedberg. Ao campo Alfon e Douvikas
Alfon!!!! Deixada de Hugo Álvarez e o remate de Alfon vaise fóra por moi pouco
Aspas tenta sorprender desde lonxe pero o coiro acaba nas mans de Greif
Queda con dez o Mallorca. Raíllo toca coa man e evita que Douvikas quede só diante de Greif
2-0 GOOOOOOOL DE ASPAS!!!!!! Inicia Iago, centro cara Douvikas e o de Moaña que viña acompañando a xogada acaba marcando
Hai sete minutos de engadido pero o Celta ten a situación controlada. Debuta Luca de la Torre neste campionato
Acción persoal de Iago Aspas que acaba cruzando en exceso
Final do partido en Balaídos con ocasión de Douvikas!!! O triunfo queda en Vigo!!!
.jpg)
