Pontevedra xa está lista para unha nova Gran Final das Series Mundiais Tríatlon
A Gran Final contará con 5.400 deportistas procedentes de 83 países
O alcalde de Pontevedra, Miguel Anxo Fernández Lores; o director de Competicións da FETRI, Jorge García; e Javier Gómez Noya presentaron unha cita que volverá converter a cidade galega no epicentro mundial do tríatlon.
O vestíbulo do palacio consistorial acolleu a presentación da Gran Final das Series Mundiais de Tríatlon 2026, que se disputará desde este mércores 23 e ata o domingo 27 de setembro, coa presenza do alcalde de Pontevedra, Miguel Anxo Fernández Lores, o director de Competicións da FETRI, Jorge García, e o cinco veces campión do mundo Javier Gómez Noya.
O acto contou tamén coa presenza de varios dos deportistas españois que serán protagonistas durante os próximos días en Pontevedra: Sara Guerrero, que correrá na proba elite, Pelayo González e Andrés Prieto, que o farán no Campionato do Mundo sub 23 e Candela Sánchez, que disputará a proba júnior. O técnico da FETRI Víctor Benages tamén acompañou aos triatletas no acto. Pontevedra afronta así unha nova semana grande para o tríatlon internacional, apenas tres anos despois de acoller a Gran Final das Series Mundiais de 2023. A cidade volverá ser durante cinco días o escenario das competicións que decidirán os títulos mundiais das diferentes categorías. Nesta ocasión, as previsións superáronse e
A Gran Final contará con 5.400 deportistas procedentes de 83 países, o que a converte no maior acontecemento da historia de World Triathlon en número de participantes.
