Sergi Quintela lidera a reacción do Obradoiro no último cuarto

O Obradoiro levou o primeiro partido da serie de cuartos de final na fase de ascenso á ACB diante do Palencia (87-83). Un gran último cuarto do equipo santiagués, liderado por Sergi Quintela, permitiulle levar un triunfo moi importante. 

O primeiro cuarto deixounos o gran acerto dos dous equipos. Palencia, liderado por Kunkel, marchou de 11 puntos ao comezo (11-22) pero o Obradoiro soubo reaccionar para igualar o encontro (28-32). O segundo cuarto devolvía unha boa vantaxe ao equipo visitante (32-39). Os de Félix Alonso souberon agarrarse ao partido e coller unha mínima diferenza xusto antes do tempo de lecer (45-44). 

Seguía indo a remolque o Obradoiro que non atopaba o xeito de mandar no partido. O Palencia marcaba a pauta do partido e ao Obra tocáballe aguantar como podía no partido (64-66). Decidiuse o enfrontamento no último cuarto grazas ao acerto de Quintela. Oito puntos seguidos do lugués permitiron o primeiro despegue no partido do conxunto galego (74-69). Apareceron entón as estrelas Balvin e Brodzianski para deixar o partido case decidido (83-74). Pero o Palencia reaccionou e a quince segundos do final púxose a dous puntos (85-83).