Seis implicados no roubo de ordenadores nun instituto de Vilalba
No grupo, que se desprazaba dende Lugo, hai dous menores
O valor do material informático é duns 15.000 euros
Un dos axentes da Garda Civil de Lugo que participou na investigación
As indagacións da Garda Civil permitiron a detención de catro persoas e a imputación en calidade de investigados de dous menores de idade.
Formaban parte dun grupo perfectamente organizado, con roles predefinidos, segundo os investigadores, con domicilio en Lugo.
O roubo que lles atribúen tivo lugar o pasado mes de febreiro, no Instituto de Educación Secundaria Lois Peña Novo, de onde subtraeron 15 ordenadores portátiles, ademais de causar danos nas instalacións.
Segundo a Garda Civil, este grupo contaba cunha ampla rede de clientes para colocar o material informático cuxo valor estimado ascende a 15.000 euros.
Varios dos equipos xa foran vendidos a particulares.
Están a ser investigados por delitos de roubo con forza e pertenza a grupo criminal.
