O segundo festivo coas tendas abertas enche os centros comerciais
Os consumidores aproveitaron o día para adiantar as compras do Nadal
O próximo luns volverán abrir moitos dos establecementos
Sendo festivo, con mal tempo e ás portas do Nadal a previsión de que a xente aproveitase os centros comerciais para pasar esta tarde cumpriuse, e neste segundo día extra que abre o comercio, os consumidores decidiron adiantar as compras, sobre todo de agasallos.
"Aproveitamos para comprar regalos para toda a familia".
"Viñemos facer compras e ver as luces de Vigo".
Pero non só se vén aos centros comerciais para mercar, porque no Nadal hai encargos que chegan do máis aló.
"Realmente viñemos entregar a carta do Papá Noel. Este ano non lles veu o elfo do Nadal e queren que veña".
E entre tantas encomendas, foi aumentando a xente.
"Hai moita xente, a min maréame un pouco, pero está ben".
Xunto coas luces, ese é outro dos elementos característicos desta época, o de verse algo asoballados polas multitudes que tamén aproveitan os días libres para as compras.
