Santiago torna ao ano 1856 para recrear o Banquete de Conxo

Un desfile teatral percorreu Santiago este domingo, nun regresou a 1856. Grandes señores, obreiros e artesáns escenificaron a división social en estamentos e o xantar de fraternidade coa que os universitarios, fillos de ricos, desafiaron os poderes da época en favor da igualdade.

Aquela comida de unión leva o nome de Banquete de Conxo, o barrio onde tivo lugar e o escenario central desta festa, que gaña adeptos cada ano.

A carballeira que dá acollida ao xantar empezou a recibir os comensais pasadas as dúas e media da tarde. Os comensais ían coa idea de alongar a festa con foliada e romaría.