Os mutualistas de Muface de Galicia dispoñen xa de receita electrónica
Galicia súmase ás outras 9 comunidades que xa gozan deste servizo
Dende este martes os máis de 54.000 mutualistas galegos que elixiron a opción concertada poden retirar os medicamentos na farmacia sen necesidade da receita en papel.
Os farmacéuticos destacan que o sistema mellorará o acceso aos tratamentos e a calidade asistencial.
A ilexible letra de médico desaparece. E os mutualistas e profesionais farmacéuticos e médicos das catro provincias galegas poden beneficiarse da implantación da receita electrónica de MUFACE.
Un servizo que poden solicitar xa os mutualistas no seu centro médico e acudir a calquera farmacia e mercar a súa medicación.
Para os farmacéuticos este avance facilita o acceso aos tratamentos mellorando a calidade asistencial.
Galicia súmase ás outras 9 comunidades que xa gozan deste servizo. Se o paciente viaxara a unha das comunidades que non estivesen adheridas a este sistema, tería que empregar o receitario novamente.
