Rubén Domínguez renova por unha temporada co Pontevedra
O club granate reafirma a súa confianza no técnico ourensán
Na súa primeira temporada quedou fóra das eliminatorias de ascenso de forma polémica
O Pontevedra reafirma o seu compromiso coa "estabilidade, a planificación a longo prazo e a construción dun proxecto que siga ilusionando"
Rubén Domínguez seguirá á fronte do Pontevedra unha temporada máis. O técnico ourensán e o seu segundo, Adrián Abalo, ampliaron o seu contrato e traballan xa con vistas á vindeira temporada.
O Pontevedra dálle así continuidade a un proxecto que consolidou "unha identidade competitiva, ambiciosa e aliñada cos valores da entidade", segundo sinala o club nun comunicado.
Rubén Domínguez conseguiu na súa primeira temporada levar o Pontevedra ás portas das eliminatorias de ascenso, de onde só o sacou unha polémica decisión federativa. Agora afronta o reto de renovar un cadro de xogadores en que só cinco xogadores teñen contrato en vigor.
.png)
