Rouban no pavillón da Cañota, en Marín, por segunda vez nun mes

Desde o Marín Futsal denuncian publicamente o roubo e os actos vandálicos no pavillón da Cañota, unha instalación municipal que o club emprega acotío  con máis de trescentos rapaces.

Os ladróns romperon as persianas, forzaron as portas e varios armarios e causaron diferentes estragos nas instalacións. Outro dos seus obxectivos foron os produtos das máquinas expendedoras, as bebidas da cantina e un ordenador das oficina. Na zona, os veciños piden que se incremente a seguridade. 

Este é o segundo roubo en menos dun mes. Desde o Concello estudan medidas para aumentar a vixilancia.

Tamén desde o club piden que se adopten as medidas precisas para que estes actos non queden impunes.