Rouban as xoias da Virxe dos Remedios en Marín

A poucos días de que se celebre a procesión da Virxe dos Remedios na parroquia de San Xulián, en Marín, custa esquecer que unha parella entrou hai case un mes no templo e roubou as xoias da Virxe. Un suceso que non acaban de entender no lugar e que lles produce unha enorme pena.

A parella pediulle a unha colaboradora da igrexa se lle podía facer unha ofrenda á VIrxe e aproveitou para roubarlle as xoias. Aconteceu a plena luz do día.

Afortunadamente, unha nova doazón, ben gardada fóra da igrexa, volverá vestir a Virxe de xoias na procesión do domingo. Porén, xa nunca máis estarán expostas ao público.