Rexorde a tradición de agasallar con cestas de Nadal
Hai empresas que xa teñen o dobre de encargas que de costume
Triunfa o produto galego delicatessen
"Son detalles moi agradecidos, como digo eu, aquí sempre acertas, produto rico de comer e beber sempre gusta a todo o mundo", opina Miguel de Matos, comerciante
É posiblemente o único agasallo que non admite devolución e que simboliza o espírito do Nadal. As cestas forman parte dunha tradición que se remonta á Roma clásica e que cobrou forza coa pandemia.
"Aínda coa pandemia non poden organizar as ceas de grupos e queren seguir tendo ese detalle cos empregados e si se están organizando antes", explica Mónica Alonso, comerciante
"Outros anos eran a partir da ponte de decembro e xa levamos case un mes preparando cestas", continúa Miguel
As empresas que as fan notan un aumento considerable das vendas, incluso do 100 %.
Tamén están notando atrasos nas subministracións de mercadorías, sobre todo as que veñen de fóra. Isto obrígaos a cambiar a variedade que vai nas cestas, unha oportunidade para os produtos galegos que ano a ano gañan protagonismo.
"Cada vez o produto de proximidade é o máis demandado e eu creo que por outro lado é necesario. Hai que apoiar os nosos produtores locais e eu creo que é responsablilidade de todos botarnos unha man", explica Miguel
