Rescatan unha persoa da auga preto da Torre de Hércules

Na Coruña, efectivos de Salvamento Marítimo rescataron esta tarde do mar o corpo dunha persoa.

Pouco antes das sete e media, un particular alertou de que había unha persoa en apuros na auga, na zona da caracola, preto da Torre de Hércules.

Ata o lugar desprazáronse o helicóptero Helimer 402, unha embarcación da Garda Civil e o  equipo acuático do Parque de Bombeiros da Coruña, que enviaron unha dotación ao punto con embarcación. Precisamente, foi este equipo quen sacou a persoa da auga e a conduciu ata o peirao de Oza en parada cardiorrespiratoria.

Ao mesmo tempo, comezaron a practicar a reanimación sen que, de momento, se coñeza o resultado.

Igualmente, foron informados os profesionais de Urxencias Sanitarias de Galicia-061, que enviaron un equipo ao mesmo peirao así como axentes da Policía Local e Nacional.