Rescatan dous mariñeiros da Guarda fronte ás costas de Oia
Os mariñeiros foron izados a bordo do helicóptero sans e salvos
Os dous tripulantes da embarcación Maresco Tres, con base na Guarda (Pontevedra), foron trasladados ao hospital Álvaro Cunqueiro de Vigo tras seren rescatados fronte a Oia polo servizo de Gardacostas de Galicia.
Foi o helicóptero Pesca 1, segundo informou Gardacostas, o que se achegou a última hora deste xoves ata onde estaba a embarcación, que sufrira unha vía de auga, para rescatar os dous mariñeiros nun operativo no que tamén participaron axentes da Unidade Operativa de Vigo a bordo da patrulleira Punta da Guía.
🚁 O Pesca 1 rescatou aos dous tripulantes do “Maresco Tres” que sofriu unha vía de auga e levounos ao Álvaro Cunqueiro.
— Gardacostas Galicia (@GardacostasGal) February 19, 2026
🛟 No operativo de rescate tamén participaron os axentes da Unidade Operativa de Vigo a bordo da patrulleira Punta da Guía. pic.twitter.com/JQfUraK1P1
Cando os servizos de emerxencias chegaron ao lugar en que se atopaba a embarcación sinistrada, a unhas cinco millas náuticas da costa, atoparon os dous tripulantes na balsa de emerxencia, que antes de abandonar o barco solicitaran axuda.
De momento descoñécese que causou a vía de auga no Maresco Tres, o cal quedou parcialmente afundido no lugar do rescate.
No operativo participaron efectivos de Gardagostas, a patrulleira Punta da Guía e o barco Valentín Paz Andrade.
.png)
