Rescatan unha muller de 77 anos en parada cardiorrespiratoria nunha praia de Sanxenxo

Unha muller de 77 anos tivo que ser rescatada da auga tras sufrir unha parada cardiorrespiratoria nunha praia de Sanxenxo. A muller atopábase á altura das boias cando se empezou a atopar mal. Os socorristas alertaron a unha embarcación do servizo municipal de emerxencias do Grove que estaba máis preto do areal.

Foron eles os que achegaron á vítima á praia. Xa na area, os socorristas practicáronlle as manobras de reanimación ata a chegada da ambulancia medicalizada. Unha vez estabilizada foi trasladada ao hospital Montecelo de Pontevedra.