Un motorista falece ao colidir contra un turismo en Verín

Un home faleceu tras sufrir unha colisión coa súa moto contra un vehículo na avenida de Castela, no municipio ourensán de Verín. 

Segundo informa o 112 Galicia, o suceso produciuse ás 11:15 horas do martes e foron varios particulares os que alertaron do accidente. Ademais, avisaron de que o motorista parecía estar baixo o turismo e podía estar atrapado. 

A central de emerxencias movilizou aos profesionais do Servizo de Urxencias Sanitarias de Galiica do 061, os Bombeiros de Verín e a Garda Civil. 

Unha vez no lugar dos feitos, os servizos puideron comprobar que o motorista non estaba atrapado, pero non puideron facer nada por salvarlle a vida.