Galicia activa para este mércores o aviso amarelo por chuvia e tormenta

Varios puntos de Galicia estarán este mércores en aviso amarelo debido a unha borrasca que deixará choivas fortes e tormenta intensas, segundo os datos de MeteoGalicia.

Desta forma, estarán en alerta amarela por choivas o interior, oeste e suroeste da provincia da Coruña, o sur da provincia de Ourense e o litoral da provincia de Pontevedra.

A alerta comezará ás 9:00 horas e estenderase ata as 15:00 horas, ao esperarse chuvia que pode superar os 15 litros por metro cadrado nunha hora.

Así mesmo, as provincias da Coruña e Pontevedra estarán en aviso amarelo, desde as 12:00 horas ata as 18:00 horas, ao esperarse tormentas localmente intensas.

Na xornada do mércores a borrasca traerá un descenso moderado das temperaturas e o vento soprará moderado do sur-suroeste e forte no litoral atlántico.